Daxili İşlər Nazirliyi Baş Pasport, Qeydiyyat və Miqrasiya İdarəsinin təşəbbüsü ilə  Sumqayıt şəhərində Laçın, Cəbrayıl, Füzuli, Zəngilan və Şuşa rayonlarının şəxsiyyət vəsiqələrinin etibarlıq müddəti bitmiş sakinlərinə və  orta ümumtəhsil məktəblərinin buraxılış sinif şagirdlərinə bu sənədlərin verilməsi ilə bağlı səyyar xidmət keçirilib.
Tədbir zamanı adı çəkilmiş rayonların ümumilikdə 364 sakininin müvafiq sənədləri qəbul edilib. Bununla yanaşı, 336 yeni şəxsiyyət vəsiqəsi sahiblərinə təqdim edilib.

Eyni zamanda, sözügedən Baş İdarə və Pirallahı RPŞ-nin və Qaradağ RPİ-nin  müvafiq xidmət əməkdaşlarının iştirakı ilə Xəzər dənizindən 35 kilometr aralıda yerləşən Çilov adasında  və Müşfiqabad qəsəbəsində məcburi köçkünlərin məskunlaşdığı yaşayış kompleksində də səyyar xidmət keçirilib.
Burada keçirilmiş anoloji xidmətlər zamanı, ümumən, 136 nəfər yeni şəxsiyyət vəsiqəsi ilə təmin edilib. Orta məktəblərin 38 buraxılış sinif şagirdinin müvafiq sənədləri qəbul olunub.
Vətəndaşların şəxsiyyət vəsiqələri ilə təmin edilməsi məqsədilə mütəmadi şəkildə təşkil olunan belə tədbirlər davam etdirilir.