Daxili İşlər Nazirliyinin Mətbuat Xidmətindən
21.04.20152015-ci il aprel ayının 1-dən Daxili İşlər Nazirliyi Baş Pasport, Qeydiyyat və Miqrasiya İdarəsinin rəsmi Facebook səhifəsi fəaliyyətə başlayıb.
“Facebook” sosial şəbəkəsində yeni səhifənin yaradılmasında əsas məqsəd BPQMİ- nin həyatında baş verən yeniliklər, baş idarənin və regional şöbələrin fəaliyyəti, iş prinsipləri barədə vətəndaşları ətraflı və dolğun şəkildə məlumatlandırmaq, onların sual, təklif və şikayətlərini operativ olaraq cavablandırmaqdır. Fəaliyyət göstərdiyi qısa müddətdə, Baş İdarənin Facebook səhifəsi İnternet istifadəçiləri tərəfindən maraqla qarşılanıb. Artıq səhifəyə qoşulanların sayı 3000 nəfəri keçib, vətəndaşlardan 100-ə yaxın sual daxil olub və aidiyyatı əməkdaşlar tərəfindən cavablandırılıb.
DİN-in Baş Pasport, Qeydiyyat və Miqrasiya İdarəsi Azərbaycan Respublikası vətəndaşlarının və vətəndaşlığı olmayan şəxslərin yaşayış və olduqları yer üzrə qeydiyyatını, onların müvafiq şəxsiyyət və qeydiyyat vəsiqələri, eyni zamanda, vətəndaşların ümumvətəndaş pasportları ilə təmin olunması ilə bağlı işləri həyata keçirir.Baş İdarənin rəsmi Facebook səhifəsi bütün bu məsələlərlə bağlı sual və müraciətlər üçün açıqdır. Səhifəyə bu keçid vasitəsilə (https://www.facebook.com/bpqmi) qoşulmaq olar.
Çap et
ƏLAQƏLİ PRESS-RELİZLƏR
