DİN-in "102" Zəng Mərkəzinə metro stansiyasına bomba qoyulması barədə yalan məlumat vermiş Bərdə rayon sakini Ş.Həsənov tutulmuşdur
04.11.2016Noyabrın 4-də saat 12.10 radələrində naməlum şəxs metronun "20 Yanvar" stansiyasına bomba qoyulması və 13 dəqiqədən sonra partlayacağı barədə DİN-in "102" Zəng Mərkəzinə məlumat vermişdir.
Dərhal aparılan araşdırmalarla zəng edən şəxsin Bərdə rayon sakini, əvvəllər məhkum olunmuş 28 yaşlı Şahlar Həsənov olması müəyyən edilmişdir.
Metropolitendə Polis Şöbəsi və Bərdə RPŞ əməkdaşlarının həyata keçirdikləri əməliyyat-axtarış tədbirləri nəticəsində Ş.Həsənov tutulmuşdur.Faktla əlaqədar cinayət işi başlanılmışdır.
Çap et