Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Qaçırdığı avtomobillə hadisə törədən şəxs saxlanıldı
03 dekabr 2017

Dekabrın 3-nə keçən gecə Nərimanov rayonu ərazisindən Bakı şəhər sakini Ramil Hüseynova məxsus “VAZ-2107” markalı avtomobilin qaçırılması barədə DİN-in “102 Zəng Mərkəzi”nə məlumat daxil olub.

Dərhal başlanan əməliyyat-axtarış tədbirləri nəticəsində avtomobil saat 2:00 radələrində paytaxtın Nizami rayonu ərazisində qabaq hissəsi əzilmiş vəziyyətdə Bakı şəhər Dövlət Yol Polis İdarəsinin və Nizami RPİ 25-ci Polis Bölməsinin əməkdaşları tərəfindən saxlanılıb. Onu idarə edərək hadisəni törətməkdə şübhəli bilinən şəxs avtomobillə birgə 18-ci Polis Bölməsinə təhvil verilib.

Araşdırmalarla həmin şəxsin Biləsuvar rayon sakini Şahin Cavadov olması və onun dekabrın 3-nə keçən gecə “Mercedes” və “Niva” markalı 2 avtomobildən şüşəni sındırmaq yolu ilə oğurluğa cəhd göstərməsi də müəyyən edilib.
Araşdırma aparılır. 

Soyğunçuluqda şübhəli bilinən Suraxanı qəsəbə sakini Ramil Quliyev saxlanılıb
03 dekabr 2017

Dekabrın 2-də Suraxanı rayonu ərazisindəki mağazalardan birində naməlum şəxs satıcı - Bakı şəhər sakini Sevil Əbdülrəhmanovanın mobil telefonunu soyğunçuluq yolu ilə aparıb.
Suraxanı RPİ 31-ci PB əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən qəsəbə sakini, əvvəllər məhkum olunmuş Ramil Quliyev saxlanılıb.

Bakı şəhər sakini Zakir Yaqubov tapdığı “AKM” silahını könüllü olaraq təhvil verib
03 dekabr 2017

Aparılan profilaktiki tədbirlər nəticəsində Bakı şəhər sakini Zakir Yaqubov tapdığı, darağında 4 patron olan nömrəsi silinmiş “AKM” silahını könüllü olaraq Xəzər RPİ-nin 2-ci Polis Bölməsinə təhvil verib.

Avtomobildən akkumulyator və ehtiyat təkəri oğurlamaqda şübhəli bilinən Şamaxı rayon sakini Bəbir Orucov saxlanılıb
03 dekabr 2017

Dekabrın 3-də Xətai rayonu ərazisində Bakı şəhər sakini Sahib Cabbarova məxsus “VAZ-2106” markalı avtomobildən akkumulyator və ehtiyat təkəri oğurlamaqda şübhəli bilinən Şamaxı rayon sakini Bəbir Orucov 36-cı Polis Bölməsinin və Əlahiddə Çevik Polis Alayının əməkdaşları tərəfindən saxlanılıb. 

300 manat oğurlamaqda şübhəli bilinən Goranboy rayonunun Qazanbulaq kənd sakini Xəqani Ələkbərov saxlanılıb
03 dekabr 2017

Dekabrın 1-də Goranboy rayonu ərazisindəki mağazalardan birindən 300 manat oğurlamaqda şübhəli bilinən Qazanbulaq kənd sakini Xəqani Ələkbərov Goranboy RPŞ-nin əməkdaşları tərəfindən saxlanılıb.

Abşeron rayonu ərazisində yol-nəqliyyat hadisəsi
03 dekabr 2017

Dekabrın 3-də saat 6:00 radələrində Abşeron rayonu ərazisində Bakı şəhər sakini Əli Hacıyev idarə etdiyi “VAZ-21074” markalı avtomobili yol ayırıcısına vurub. Sürücü  hadisə yerində ölüb, sərnişini isə xəstəxanaya yerləşdirilib.
Baş İstintaq və Təhqiqat İdarəsi tərəfindən araşdırma aparılır.

Sumqayıt şəhəri 12-ci mikrorayon ərazisində yol-nəqliyyat hadisəsi
03 dekabr 2017

Dekabrın 3-də saat 8:00 radələrində Sumqayıt şəhəri 12-ci mikrorayon ərazisində şəhər sakini Mirməmməd Tağıyev idarə etdiyi “Mercedes” markalı avtomobillə yolu keçən həmyerlisi Şəfiqə Mürsəlovanı vurub. Nəticədə xəstəxanaya yerləşdirilən piyada orada ölüb.
Sumqayıt ŞPİ tərəfindən araşdırma aparılır.

Salyan rayonunun Boranıkənd kəndində yaşayan Novruz Bəhrəmlinin evində yanğın baş verib
03 dekabr 2017

Dekabrın 3-də saat 9:00 radələrində Salyan rayonunun Boranıkənd kəndində yaşayan Novruz Bəhrəmlinin evində yanğın baş verib. Nəticədə yanar konstruksiyalar və oradakı əşyalar yanıb. Yanğın söndürüldükdən sonra N.Bəhrəmlinin qızları – 5 yaşlı Fatimənin və 4 yaşlı Ceyranxanımın yanmış meyitləri tapılıb.

Sabunçu rayonunun Zabrat qəsəbəsində yol-nəqliyyat hadisəsi
03 dekabr 2017

Dekabrın 3-də saat 5:00 radələrində Sabunçu rayonunun Zabrat qəsəbəsində Bakı şəhər sakini İlqar Abbasov idarə etdiyi “QAZel” markalı avtomobillə yolu keçən 55-60 yaşlı kişini vurub və nəticədə həmin şəxs hadisə yerində ölüb. 
Sabunçu RPİ tərəfindən araşdırma aparılır.

Sabirabad rayon sakini Məmməd Qarayevə məxsus evdə yanğın baş verib
03 dekabr 2017

Dekabrın 3-də saat 1:00 radələrində Sabirabad rayonunun Nərimankənd kəndində rayon sakini Məmməd Qarayevə məxsus evdə yanğın baş verib. Nəticədə 30 kvm. sahədə döşəmə və tavan yanıb. Yanğın söndürüldükdən sonra M.Qarayevin arvadı Kubra Qarayevanın tüstüdən boğulan meyiti tapılıb.
Araşdırma aparılır.