Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Qanunsuz ov etdiyinə görə kənd sakini Müşfiq Müslümov saxlanılıb və ondan müvafiq sənədləri olmayan ov tüfəngi götürülüb
18 aprel 2017

Aprelin 18-də Biləsuvar rayonunun Yuxarı Ağalı kəndi ərazisində qanunsuz ov etdiyinə görə kənd sakini Müşfiq Müslümov RPŞ-nin əməkdaşları tərəfindən  saxlanılıb. Ondan müvafiq sənədləri olmayan “TOZ-25” markalı ov tüfəngi götürülüb və barəsində İnzibati Xətalar Məcəlləsinin müvafiq maddəsi ilə inzibati protokol tərtib edilib.

Bakı şəhər sakini Şükür Əzizağaoğlundan narkotik vasitələr götürülüb
18 aprel 2017

Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri ilə Bakı şəhər sakini, əvvəllər məhkum olunmuş Şükür Əzizağaoğlundan 20,440 qram marixuana götürülüb. Onun Balaxanı qəsəbəsindəki evinə baxış zamanı isə əlavə olaraq 400 qram  marixuana da aşkar edilərək götürülüb.

20.000 manat pul oğurlamaqda şübhəli bilinən Vüsal Hüseynzadə tutulub
18 aprel 2017

Xəzər RPİ 2-ci PB əməkdaşlarının keçirdikləri əməliyyat-axtarış tədbirləri nəticəsində aprelin 10-da Buzovna qəsəbəsindəki evlərdən birinin zirzəmisindən 20.000 manat pul oğurlamaqda şübhəli bilinən ev sahibinin qohumu Vüsal Hüseynzadə tutulub.

Oğurluqda şübhəli bilinən Tovuz rayon sakini Gülnarə Novruzova tutulub
18 aprel 2017

Nəsimi RPİ 19-cu PB-nin əməkdaşları tərəfindən aprelin 17-də Bakı şəhər sakini Günel Hacıyevanın çantasından 600 manat pul oğurlamaqda şübhəli bilinən Tovuz rayon sakini, əvvəllər məhkum olunmuş Gülnarə Novruzova tutulub. Ətrafında aparılan tədbirlərlə onun rayon ərazisindəki gözəllik salonlarından birindən 470 manat pul oğurlaması da müəyyən edilib.

Oğurluqda şübhəli bilinən paytaxt sakini Təranə Ağayeva tutulub
18 aprel 2017

Nəsimi RPİ 22-ci PB-nin əməkdaşları tərəfindən martın 23-də Bakı şəhər sakini Aytacxanım Qarazadənin çantasından 350 manat pul və qızıl üzük oğurlamaqda şübhəli bilinən paytaxt sakini Təranə Ağayeva tutulub.

Avtomobil qaçırmaqda şübhəli bilinən Göyçay şəhər sakini Hacı Kərimov saxlanılıb
18 aprel 2017

Göyçay RPŞ əməkdaşlarının keçirdikləri tədbirlərlə aprelin 17-də Yaşar Əliyevə məxsus “VAZ-2106” markalı avtomobili qaçırmaqda şübhəli bilinən şəhər sakini, əvvəllər məhkum olunmuş Hacı Kərimov saxlanılıb.

Narkotik vasitə ilə tutulan Rafiq Rüstəmovun digər əməlləri də müəyyən edilib
18 aprel 2017

Narkotik vasitə ilə tutulan Rafiq Rüstəmovun ətrafında DİN-in Kriminalistik Tədqiqatlar İdarəsi və Nəsimi RPİ 22-ci PB-nin əməkdaşları tərəfindən aparılan tədbirlərlə onun cari il yanvarın 16-dan aprelin 15-dək olan müddətdə Bakı şəhər sakini olan bir qadının 100 manat pulunu quldurluq yolu ilə alması, hadelə rayon ərazisində 2 evdən və 3 avtomobildən pul, mobil telefon və noutbuk oğurlaması da müəyyən edilib.

Narkotik vasitə ilə tutulan Sunay Bağırovun digər cinayət əməli də müəyyən edilib
18 aprel 2017

Narkotik vasitə ilə tutulan Sunay Bağırovun ətrafında Nəsimi RPİ 19-cu PB-nin əməkdaşları tərəfindən aparılan tədbirlərlə onun Bakı şəhər sakini Rizvan Cunayevin cibindən 700 manat pul oğurlaması da müəyyən edilib.

Göyçay rayonunun Xəlitli kəndində yol-nəqliyyat hadisəsi
18 aprel 2017

Aprelin 19-na keçən gecə Göyçay rayonunun Xəlitli kəndində rayon sakini Xəyal Məmmədov idarə etdiyi “Toyota” markalı avtomobili yolun kənarındakı su arxına aşırıb və nəticədə sürücü hadisə yerində ölüb.
Göyçay RPŞ tərəfindən araşdırma aparılır.

Su quyusundan silah-sursat aşkar edilərək götürülüb
18 aprel 2017Sabunçu Rayon Polis İdarəsi (RPİ) 42-ci Polis Bölməsi (PB) əməkdaşları tərəfindən bir neçə gün əvvəl yaşadığı evdə qanunsuz olaraq odlu silah-sursat saxladığı üçün tutulan Nardaran qəsəbə sakini Əliəsgər Cabbarovun ətrafında daxil olmuş əməliyyat məlumatı əsasında əlavə əməliyyat-axtarış tədbiri həyata keçirilib.

Bu zaman onun yaşadığı evin həyətindəki su quyusundan nömrəsi silinmiş "Makarov" markalı tapança, lüləsi və qundağı kəsilmiş tüfəng, 1 ədəd "F-1" qumbarasının alışqanı, 151 ədəd avtomat patronu, 7 ədəd giliz, 1 ədəd beşbarmaq, kustar üsulla hazırlanmış 6 ədəd bıçaq, 1 qılınc, 1 ədəd bıçaq qabı aşkar edilərək götürülüb.

Tapılan silah-sursat müayinə edilməsi üçün Daxili İşlər Nazirliyinin Kriminalistik Təhqiqatlar İdarəsinə göndərilib.

Qeyd edilən faktla bağlı Sabunçu RPİ-nin İstintaq Şöbəsində Cinayət Məcəlləsinin müvafiq maddələri ilə cinayət işləri başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.

Xatırladaq ki, Sabunçu RPİ 42-ci PB əməkdaşlarının aprelin 13-də həyata keçirdikləri əməliyyat zamanı saxlanılan Ə.Cabbarovun yaşadığı evin həyətində istifadə olunmayan tikilidən 1 ədəd lüləsi və qundağı kəsilmiş yivli “Karabin” markalı tüfəng, "RQD”-5 əl qumbarası və AK 74 avtomatına məxsus süngü bıçağı aşkar olunaraq götürülmüşdü.
DİN vətəndaşlara bir daha müraciət edərək bildirir ki, əllərdə qanunsuz saxlanılan odlu silah-sursat və partlayıcı maddələr könüllü olaraq hüququ-mühafizə orqanlarına təhvil verilməlidir.