Axtarış

Virtual Karabakh Justice for khojaly

Krimnal xronika

tarixindən tarixinə
Gün ərzində törədilmiş 30 cinayətin üstü “isti izlər”lə açılmışdır
15 iyun 2021

Respublikanın daxili işlər orqanları tərəfindən gün ərzində törədilmiş 30 cinayətin üstü “isti izlər”lə açılmışdır.  

  • Əvvəlki dövrlərdən bağlı qalmış 4 cinayətin açılması təmin olunmuşdur.    
  • Axtarışda olduğuna görə ümumilikdə 25 nəfər, o cümlədən borclu şəxs qismində axtarışda olan 11 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 1 yol-nəqliyyat hadisəsi baş vermiş, nəticədə 1 nəfər ölmüş, 7 nəfər xəsarət almışdır.
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 18 fakt müəyyən edilmişdir.
  • Cinayət törətməkdə şübhəli bilinən 38 nəfər saxlanılmışdır.

Qax rayonunun Ləkit kəndi ərazisində yol-nəqliyyat hadisəsi
15 iyun 2021

İyunun 15-də saat 21 radələrində Qax rayonunun Ləkit kəndi ərazisində kənd sakini Cəfər Cəfərlinin idarə etdiyi “Daewoo” və Balakən rayon sakini İ.Həsənovun idarə etdiyi “Mercedes” markalı avtomobillər toqquşmuşdur. Nəticədə C.Cəfərli hadisə yerində ölmüş, 3 sərnişin, habelə digər sürücü və 3 sərnişini xəstəxanaya yerləşdirilmiş, vəziyyətləri orta-ağırdır.
Qax RPŞ tərəfindən araşdırma aparılır.

Narkotiklərin qanunsuz dövriyyəsində şübhəli bilinənlər - İsmayıllı rayon sakini N.Nəsirov və Bakı şəhər sakini S.Şahverdiyev saxlanılmışlar
15 iyun 2021

Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinənlər - İsmayıllı rayon sakini N.Nəsirov və Bakı şəhər sakini S.Şahverdiyev Abşeron rayonu ərazisində saxlanılmışlar. Şəxsi axtarış zamanı N.Nəsirovdan 204 qramdan artıq, S.Şahverdiyevdən isə 49 qramdan artıq heroin aşkar edilmişdir.
Davam etdirilən tədbirlərlə S.Şahverdiyevin idarə etdiyi “Lada Priora” markalı avtomobilə baxış zamanı oradan 742 qramdan artıq heroin, 45 qrama yaxın metamfetamin və elektron tərəzi götürülmüşdür.

Oğurluqda şübhəli bilinən Bakı şəhər sakini İ.Məmmədov saxlanılmışdır
15 iyun 2021

Nərimanov RPİ 18-ci PŞ əməkdaşlarının keçirdikləri əməliyyat-axtarış tədbirləri nəticəsində iyunun 15-də rayon ərazisindəki evlərin birindən 1900 manat oğurlamaqda şübhəli bilinən Bakı şəhər sakini İ.Məmmədov saxlanılmışdır.

Oğurluqda şübhəli bilinən Bakı şəhər sakini İ.Məmmədov saxlanılmışdır
15 iyun 2021

Nərimanov RPİ 18-ci PŞ əməkdaşlarının keçirdikləri əməliyyat-axtarış tədbirləri nəticəsində iyunun 15-də rayon ərazisindəki evlərin birindən 1900 manat oğurlamaqda şübhəli bilinən Bakı şəhər sakini İ.Məmmədov saxlanılmışdır.

Soyğunçuluqda şübhəli bilinən paytaxt sakini O.Quliyev saxlanılmışdır
15 iyun 2021

Suraxanı RPİ 33-cü PB əməkdaşlarının keçirdikləri əməliyyat-axtarış tədbirləri nəticəsində 2020-ci il noyabrın 2-də Bakı şəhər sakini V.Əliyevə zor tətbiq edib 32 manat pulunu və mobil telefonunu soyğunçuluq yolu ilə talamaqda şübhəli bilinən paytaxt sakini O.Quliyev saxlanılmışdır.
Ətrafında aparılmış tədbirlərlə onun Bakı şəhər sakini A.Məmmədova  zor tətbiq edib mobil telefonunu talaması da müəyyən edilmişdir.

Oğurluqda şübhəli bilinən Sumqayıt şəhər sakini K.Əliyev saxlanılmışdır
15 iyun 2021

Sumqayıt ŞPİ 1-ci PB əməkdaşlarının keçirdikləri əməliyyat-axtarış tədbirləri nəticəsində iyunun 1-də şəhər ərazisindəki yanacaqdoldurma məntəqələrindən birinin ofisindən 3818 manat oğurlamaqda şübhəli bilinən şəhər sakini, əvvəllər məhkum olunmuş K.Əliyev saxlanılmışdır.

Quldurluq yolu ilə talamaqda şübhəli bilinən Sumqayıt şəhər sakinləri K.Quliyev və O.Əliyev saxlanılmışlar
15 iyun 2021

Sumqayıt ŞPİ 5-ci PB əməkdaşlarının keçirdikləri əməliyyat-axtarış tədbirləri nəticəsində iyunun 14-də A.Nəsirovanın 831 manat pulunu və mobil telefonunu quldurluq yolu ilə talamaqda şübhəli bilinən qrupun digər üzvləri şəhər sakinləri K.Quliyev və əvvəllər məhkum olunmuş O.Əliyev saxlanılmışlar.

7 baş inək oğurlamaqda şübhəli bilinən Siyəzən rayon sakini Ə.Nadirov saxlanılmışdır
15 iyun 2021

Şabran RPŞ və Siyəzən RPŞ əməkdaşlarının birgə keçirdikləri əməliyyat-axtarış tədbirləri nəticəsində iyunun 14-də Siyəzən şəhər sakini E.Əliyevin yardımçı təsərrüfatından 7 baş inək oğurlamaqda şübhəli bilinən Siyəzən rayon sakini, əvvəllər məhkum olunmuş Ə.Nadirov saxlanılmışdır.

Yabanı halda bitmiş 1 ton çəkidə 1613 ədəd çətənə kolu aşkar edilərək məhv edilmişdir
15 iyun 2021

Ucar RPŞ əməkdaşlarının keçirdikləri "Xaşxaş-2021" şərti adlı kompleks əməliyyat-axtarış və profilaktik tədbirlər nəticəsində  Məlikballı kəndi ərazisində yabanı halda bitmiş 1 ton çəkidə 1613 ədəd çətənə kolu aşkar edilərək məhv edilmişdir.