Axtarış

Virtual Karabakh Justice for khojaly

Krimnal xronika

tarixindən tarixinə
Sumqayıtda qohum və tanıışlarına məxsus 5 evdən oğurluq edən şəhər sakini saxlanılıb
20 sentyabr 2021Sumqayıt şəhərində evlərdən oğurluq edən şəxs saxlanılıb. Sumqayıt Şəhər Polis İdarəsinin əməkdaşlarının zərərçəkənlərin müraciətləri əsasında həyata keçirdikləri əməliyyat nəticəsində şəhər sakini Nərminə Məmmədova saxlanılaraq istintaqa təqdim olunub. Onun bu ilin əvvəlindən başlayaraq Sumqayıt şəhərində qohum və tanışlarına məxsus 5 evdən oğurluq etdiyi müəyyən edilib. Həmin şəxs mənzillərdən əsasən pul və qızl-zinət əşyaları oğurlayıb.

Qeyd edək ki, Nərminə Məmmədova oğurluq etməzdən əvvəl həmin məzillərin açarlarını əldə edərək surətlərini çıxarıb. Daha sonra ev sahibləri orada olmadığı müddətdə mənzillərdən oğurluqlar edib. Hətta bir epizodda o, oğurluq edəcəyi mənzilin sahibini öz evinə qonaq da çağırıb. Həmin şəxsin qonaq olduğu müddətdə Nərminə Məmmədova vacib bir iş dalınca getdiyini bildirərək evdən çıxıb və həmin məzildən oğurluq edib. Saxlanılan şəxs ifadəsində törətdiyi oğurluqların hər birini etiraf edib.

Faktlarla bağlı Sumqayıt Şəhər Polis İdarəsinin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb. Bu şəxsin digər cinayətlər etdiyi istisna olunmur. Onunn qanunsuz əməllərindən zərərçəkən başqa vətəndaşlar varsa bu barədə Sumqayıt Şəhər Polis İdarəsinə və ya ərazi üzrə polis orqanlarına, həmçinin  Nazirliyin "102" Xidməti-Zəng Mərkəzinə məlumat verə bilərlər.
Gün ərzində törədilmiş 32 cinayətin üstü “isti izlər”lə açılmışdır
19 sentyabr 2021

Respublikanın daxili işlər orqanları tərəfindən gün ərzində törədilmiş 32 cinayətin üstü “isti izlər”lə açılmışdır.

  • Əvvəlki dövrlərdən bağlı qalmış 6 cinayətin açılması təmin olunmuşdur.
  • Axtarışda olduğuna görə ümumilikdə 12 nəfər, o cümlədən borclu şəxs qismində axtarışda olan 9 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 1 yol-nəqliyyat hadisəsi baş vermiş, nəticədə 1 nəfər ölmüşdür.
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 14 fakt müəyyən edilmişdir.
  • Cinayət törətməkdə şübhəli bilinən 36 nəfər saxlanılmışdır.

Füzuli rayon sakini İ.Baxışova qarşı soyğunçuluq törətməkdə şübhəli bilinən İ.Mahmudov və V.Nağıyev saxlanılmışlar
19 sentyabr 2021

Nərimanov RPİ-nin 17-ci Polis Şöbəsinə müraciət edən Füzuli rayon sakini İ.Baxışov sentyabrın 19-da Z.Bünyadov prospektində iki nəfərin ona zor tətbiq edib cibində 60 manat pul, mobil telefon və sürücülük vəsiqəsi olan gödəkcəsini aldığını bildirmişdir.

Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinənlər - Bakı şəhər sakinləri İ.Mahmudov və V.Nağıyev saxlanılmışlar.  

Araşdırma aparılır.

Füzuli rayonunun Böyük Bəhmənli kəndi ərazisində “Hyundai” markalı avtomobil aşmışdır
19 sentyabr 2021

Sentyabrın 19-da saat 18 radələrində Füzuli rayonunun Böyük Bəhmənli kəndi ərazisində kənd sakini Şamil Süleymanov idarə etdiyi “Hyundai” markalı avtomobili aşırmış və o, aldığı xəsarətlərdən hadisə yerində ölmüşdür.

Füzuli RPŞ tərəfindən araşdırma aparılır.

Binəqədi rayonu ərazisindəki yaşayış binasının girişindən liftin 1200 manat dəyərində olan naqillərini oğurlamaqda şübhəli bilinən şəxslər saxlanılmışlar
19 sentyabr 2021

Baş Cinayət Axtarışı İdarəsi, Binəqədi RPİ 5-ci və 7-ci PB əməkdaşlarının birgə keçirdikləri əməliyyat-axtarış tədbirləri nəticəsində cari il iyulun 29-da Mircəlal küçəsi 105 nömrəli yaşayış binasının girişindən liftin 1200 manat dəyərində olan naqillərini oğurlamaqda şübhəli bilinən Bakı şəhər sakinləri S.Rəşidov və T.Rəşidov müəyyən edilərək saxlanılmışlar. 

Ətraflarında aparılmış tədbirlərlə onların müxtəlif vaxtlarda daha üç binanın liftlərinin əyləc dolaqlarını və qapıları açıb-bağlayan mexanizmini oğurlamaları da müəyyən edilmişdir.

Cari il mayın 24-də Ş.Bağırovanın pulqabısını açıq talama yolu ilə almaqda şübhəli bilinən Bakı şəhər sakini N.Yaqubov saxlanılmışdır
19 sentyabr 2021

Yasamal RPİ 28-ci PB əməkdaşlarının keçirdikləri əməliyyat-axtarış tədbirləri nəticəsində cari il mayın 24-də Ş.Bağırovanın içərisində 82 manat, mobil telefon və şəxsiyyət vəsiqəsi olan pulqabısını açıq talama yolu ilə almaqda şübhəli bilinən Bakı şəhər sakini, əvvəllər məhkum olunmuş N.Yaqubov saxlanılmışdır.

Gəncə şəhər sakini R.Mustafaya qarşı quldurluq törətməkdə şübhəli bilinən şəxslər Sumqayıt şəhəri ərazisində saxlanılmışlar
19 sentyabr 2021

Kəpəz RPİ-yə müraciət edən əcnəbi vətəndaş R.Mustafa sentyabrın 19-da saat 3 radələrində Gəncə şəhəri Hacıməlik qəsəbəsi ərazisində 3 nəfərin onu kəsici alətlə hədələyib 428 manat pulunu aldıqlarını bildirmişdir. 

Polis əməkdalarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən R.Sadıqov, əvvəllər məhkum olunmuşlar - R.Tağıyev və K.Abbasov avtomobillə birgə Sumqayıt şəhəri ərazisində saxlanılmışlar.

Araşdırma aparılır.

Sentyabrın 15-də Gəncə şəhərinin Gülüstan qəsəbəsindəki dayanacaqda “MAN” markalı avtobusdan 37.430 manat dəyərində oğurluq etməkdə şübhəli bilinən Q.İmanov və qohumu M.Məmmədov saxlanılmışlar
19 sentyabr 2021

Gəncə ŞBPİ əməkdaşlarının keçirdikləri əməliyyat-axtarış tədbirləri nəticəsində sentyabrın 15-də Gülüstan qəsəbəsindəki dayanacaqda M.Məmmədova məxsus “MAN” markalı avtobusdan 37.430 manat dəyərində 58 ədəd oturacaq, 1 ədəd kondisioner kompressoru, 9 ədəd təkər və 9 ədəd disk oğurlamaqda şübhəli bilinən dayanacağın gözətçisi Gəncə şəhər sakini Q.İmanov və qohumu M.Məmmədov saxlanılmışlar.

Koronavirus xəstələri ictimai yerlərdə aşkar edilərək saxlanılıb
19 sentyabr 2021

Sentyabrın 19-da daxili işlər orqanlarının əməkdaşları tərəfindən respublika ərazisində 2 nəfər aktiv koronavirus xəstəsi ictimai yerlərdə aşkar edilərək saxlanılıb.

Polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarıb, bu barədə müvafiq səhiyyə qurumları məlumatlandırılıb.

Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 1 nəfər barəsində cinayət işi başlanılıb. İstintaq araşdırmaları davam etdirilir.

Münaqişə zəminində paytaxt sakinləri Mütəllim Babayev və arvadı Tahirə Babayevanın müxtəlif dərəcəli yanıq xəsarətləri almalarında şübhəli bilinən Rövşən Tağıyev saxlanılaraq istintaqa təhvil verilib
19 sentyabr 2021

Nəsimi RPİ-nin 19-cu Polis Şöbəsinə sentyabrın 19-da saat 2 radələrində Mütəllim Babayev və arvadı Tahirə Babayevanın rayon ərazisində yaşadıqları mənzildə müxtəlif dərəcəli yanıq xəsarətləri almaları barədə məlumat daxil olub.

Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.  

Araşdırmalarla Şamaxı rayon sakini Rövşən Tağıyevin həmin vaxt arvadının valideynlərinin yaşadıqları evə gələrək münaqişə zəminində qayınatası Mütəllim Babayevi benzinlə yandırması nəticəsində onun və arvadı Tahirənin müxtəlif dərəcəli yanıq xəsarətləri almaları müəyyən edilib. 

Xəstəxanaya yerləşdirilən M.Babayevin vəziyyəti ağır, T.Babayevaya ilkin tibbi yardım göstərildikdən sonra buraxılıb.  

Polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində R.Tağıyev şübhəli şəxs qismində saxlanılaraq istintaqa təhvil verilib.   

Faktla əlaqədar Cinayət Məcəlləsinin müvafiq maddələri ilə cinayət işi başlanıb. Nəsimi rayon prokurorluğunda araşdırma aparılır.